ကျွန်ုပ်တို့ဟာ ကမ္ဘာပေါ်တွင်နေထိုင်တဲ့လူသားများဖြစ်သောကြောင့် ကမ္ဘာဂြိုလ်၏ပုံမှန်မဟုတ်တဲ့အရာများကို သေချာသိဖို့လိုအပ်ပါတယ်။အံဩစရာကောင်းတာက ကျွန်ုပ်တို့ဟာ ကမ္ဘာဂြိုလ်အကြောင်းထက် အာကာသ အကြောင်းကို အများကြီးပိုသိပါတယ်။ဥပမာအနေဖြင့် ကျွန်ုပ်တို့ဟာ ကမ္ဘာလုံးကို အပြာရောင်ဂြိုလ်ဖြစ်သည့်ဟုဆိုကြသော်လည်း သိပ္ပံပညာရှင်များက ကမ္ဘာသည် အမြဲ အပြာရောင်မဟုတ်ကြောင်းပြောဆိုခဲ့ပါတယ်။
(၁)လဟာ ကမ္ဘာရဲ့အစိတ်ပိုင်းတစ်ခုဖြစ်နိုင်ပါတယ်။
သိပ္ပံပညာရှင်များက လဟာ ကျွန်ုပ်တို့ ကမ္ဘာလုံးနှင့် အခြားကြီးမားတဲ့ ဥက္ကာခဲတိုက်မိခြင်းကြောင့် ဖြစ်ပေါ်လာသည်ဟုဆိုကြပါတယ်။တိုက်မိခြင်းကြောင့် မြေကြီးအနည်းငယ်ပဲ့သွားပြီး နောက်ပိုင်းတွင် ကမ္ဘာကို လည်ပတ်နေသော ဂြိုလ်တစ်ခုဖြစ်လာခဲ့ပါတယ်။
(၂)ကမ္ဘာရဲ့သံလိုက်စက်ကွင်းဟာ ပြောင်းလဲနေ
ကျွန်ုပ်တို့ကမ္ဘာမြေကြီးရဲ့သံလိုက်စက်ကွင်းဟာ စဉ်ဆက်မပြတ်အသုံးပြုနေကြပါတယ်။သိပ္ပံပညာ သုတေသန အရ ၁၉ရာစုကတည်းက မြေပြင် မိုင် ၆၀၀ခန့် ရွေ့လျားခဲ့ပြီး တောင်ဘက်ခြမ်း၏အလယ်ဗဟိုဟာ တောင်သမုဒ္ဒရာ အထက်တွင်ရှိနေပါတယ်။တစ်နှစ်ပြီးတစ်နှစ်လှုပ်ရှားမှုအရှိန်ဟာ အမြင့်မားဆုံးထိ တိုးပွားလျက်ရှိပြီး ထိုနောက် လှုပ်ရှားမှုဟာ တစ်ဖန်ပြန်ပြီးနှေးကွေးပါလိမ့်မည်။
(၃)ထူးဆန်းတဲ့ ဆွဲငင်အား
ကမ္ဘာလုံးဟာ ပြီးပြည့်စုံစွာ မလုံးဝန်းသောကြောင့် ဒြပ်ထုများဟာလည်း ညီမျှမှုမရှိကြပါဘူး။ကမ္ဘာ၏ဒြပ်ထုကွဲပြားခြားနားမှုဟာ မြေကြီးပေါ်ရှိနေရာအမျိုးမျိုးတွင်မြေထုဆွဲအားအတက်အကျကိုဖြစ်ပေါ်စေပါတယ်။ဤအကွဲလွဲချက်များထဲမှတစ်ခုမှာကနေဒါနိုင်ငံ ၏ Hudson ပင်လယ်အော်ပဲဖြစ်ပါတယ်။အဲ့ဒီနေရာရဲ့ ကမ္ဘာ ဆွဲငင်အားဟာ အခြားနေရာများထက် နိမ့်ပါတယ်။
(၄)ကမ္ဘာတွင် လ နှစ်ခုရှိနိုင်ပါတယ်
သိပ္ပံပညာရှင်အချို့က ကျွန်ုပ်တို့ကမ္ဘာဂြိုဟ်ဟာ ဒုတိယ လ ဂြိုလ်ရှိသည်ဟုယုံကြည်ကြပါတယ်။ သုတေသနအရ ကမ္ဘာပတ်ပတ်လည်တွင်လှည့်ပတ်နေတဲ့အခြားဂြိုလ်အရာဝတ္ထုတစ်ခုရှိပါသေးတယ်။သို့သော် အဲ့အရာဟာ အမြဲတမ်းတည်ရှိနေခြင်းမဟုတ်ပဲ ယာယီဂြိုလ် သာဖြစ်ပါတယ်။ကမ္ဘာမြေရဲ့ မြေထုဆွဲငင်အားဟာ တစ်ခါတစ်ရံတွင်ကြီးမားတဲ့ဂြိုဟ်မွှားများကိုဆွဲဆောင်နိုင်ပြီး ၎င်းတို့ဟာ ကျွန်ုပ်တို့၏ကမ္ဘာဂြိုဟ်ကိုအချိန်အတိုင်းအတာတစ်ခုအထိ လှည့်ပတ်သွားတတ်ကြပါတယ်။
(၅)လ ပေါ်က ငလျင်လှုပ်ရှားမှု
လပေါ်ရှိ ငလျင်လှုပ်ရှားမှုကို လ ငလျင်ဟု သိကြပြီး သိပ္ပံစိတ်ကူးယဉ် မဟုတ်ပါဘူး။သို့သော်၎င်းတို့ဟာ ကျွန်ုပ်တို့ရဲ့ ကမ္ဘာဂြိုဟ်ကဲ့သို့မကြာခဏဖြစ်ပျက်လေ့မရှိပါဘူး ၊ များသောအားဖြင့်လဂြိုလ်၏ အလယ်ဗဟိုကို နီးကပ်လေလေ လှုပ်ရှားမှုပိုမိုများလေ ဖြစ်ပါတယ်။သိပ္ပံပညာရှင်များက ၎င်းဟာ နေနှင့်ကမ္ဘာ၏ ဆွဲအားစွမ်းအားများကြောင့်ဖြစ်သည်ဟုယုံကြည်ကြပါတယ်။