Month: January 2021

လူတွေကတော့ သူတို့ချစ်ရတဲ့လူတွေအနားကအပြီးပိုင်ထွက်ခွာသွားတဲ့အခါဝမ်းနည်းပူဆွေးကြတာကတော့သဘာဝပါ။ဒါပေမယ့်ကျွန်တော်တို့ရဲ့ သစ္စာစောင့်သိကြတဲ့ ခွေးလေးတွေကတော့ ကျွန်တော်တို့သေဆုံးသွားပြီးသူတို့အနားမှာမရှိနိုင်တော့တာတော့သူတို့မသိကြပါဘူး။ ဒီထဲကမှသစ္စာစောင့်သိတဲ့ချစ်စရာခွေးလေးတစ်ကောင်ကတော့သူ့သခင်ရဲ့ဆေးရုံကုတင်ဘေးမှာအချိန်ကြာမြင့်စွာစောင့်နေခဲ့တာပါ။ဝမ်းနည်းစရာကောင်းတာကတော့ သူ့သခင်သေဆုံးသွားပြီးသူ့ဆီကိုဘယ်တော့မှပြန်မလာနိုင်တော့တာတော့သူမသိပါဘူး။ ဒီခွေးလေးကတော့ နယူးဂျာဆီပြည်နယ် က Labardor မျိုးစပ် သုံးနှစ်အရွယ်ရှိပြီဖြစ်တဲ့ ခွေးလေး Moose ဘဲဖြစ်ပါတယ်။Moose ရဲ့ သခင်ကတော့လူ့လောကကြီးကိုနှုတ်ဆက်သွားကာ သူ့အနားကိုဘယ်တော့မှပြန်မလာနိုင်တော့ပါဘူး။ လူတချို့ကတော့ ထိုအဖြစ်အပျက်ကိုဓာတ်ပုံရိုက်ကာMoose ကိုအခြားသခင်အသစ်တစ်ယောက်ကစောင့်ရှောက်နိုင်အောင် အွန်လိုင်းပေါ်မှာမျှဝေခဲ့ပါတယ်။ထိုအပုံလေးကိုမျှဝေပြီးမကြာမီမှာဘဲ နယူးဂျာဆီ၊Randolph မှ Eleventh Hour Rescue မှလာရောက်ခေါ်ဆောင်သွားခဲ့ပါတယ်။ ထိုပိုစ့်လေးရဲ့အောက်မှာလည်း သနားစရာခွေးလေးကိုခေါ်ယူစောင့်ရှောက်ဖို့စိတ်ဝင်စားတဲ့လူတွေလည်းလာရောက် ပြောဆိုထားကြပါတယ်။ထိုအပိုစ့်လေးဟာချက်ချင်းဆိုသလို လူရာပေါင်းများစွာရဲ့ စိတ်ဝင်စားမှုကိုရရှိလာခဲ့ပြီး ရက်အနည်းငယ်ကြာတဲ့အခါမှာတော့ Moose လေးရဲ့ အမြဲတမ်းပိုင်ရှင်တစ်ဦးကိုရှာဖွေတွေ့ရှိခဲ့ပါတယ်။ Moose ကတော့ယခုချိန်မှာ သူ့ကိုချစ်မြတ်နိုးတဲ့ မိသားစုလေးတစ်ခုကိုပိုင်ဆိုင်ထားပြီး သစ္စာရှိတဲ့ ခွေးလေးတစ်ယောက်အဖြစ်ဆက်လက်နေထိုင်လျက်ရှိပါတယ်။

ကမ္ဘာ့အကြီးဆုံး အပြည်ပြည်ဆိုင်ရာ သဘာဝပတ်၀န်းကျင်ထိန်းသိမ်းရေး ၏လေ့လာချက်များအရ ကမ္ဘာပေါ်တွင် အပင်မျိုးစိတ်ပေါင်း ၄၂၂၀၀၀ နီးပါးရှိပါတယ်။အမျိုးမျိုးသောပန်းများ၊အပင်များ၊အရောင်များ၊ပုံစံများနှင့်အရွယ်များကို မြင်တွေ့ရသည်က အံ့ဩဖွယ်ကောင်းတဲ့ ဇီ၀မျိုးကွဲတွေပဲဖြစ်ပါတယ်။တစ်ခါတစ်ရံ ပုံမှန်မဟုတ်တဲ့ထူးခြားတဲ့ အပင်များကို မြင်တွေ့ရတဲ့အခါ တစ်ခြားဂြိုလ်ကလာတဲ့အပင်တွေလားလို့တောင်ထင်ရပါတယ်။ (၁)Hydnora africana (ပိုးတောင်မာထောင်ချောက်) ထိုအပင်ကိုတော့ အာဖရိကတောင်ပိုင်းတွင် အများဆုံးတွေ့ရပါတယ်။၎င်း၏အဓိက အစိတ်အပိုင်းမှာ ဝဖြိုးနေတဲ့ ပန်းပွင့်ပဲဖြစ်ပါတယ်။ထို့အပြင် ၎င်း၏ဆိုးဝါးလှတဲ့အနံများနှင့် သဘာဝ ဝတ်မှုန်ကူးတဲ့သတ္တဝါဖြစ်တဲ့ ပိုးတောင်မာများကိုဆွဲဆောင်ပြီး ပိုးတောင်မာများက ထိုပန်းပွင့်ထဲသို့ဆင်းသက်လိုက်တဲ့အခါမှာတော့ ပန်းပွင့်ထဲမှာ ခေတ္တပိတ်ထားခြင်းခံရပါတယ်။ပြန်လွှတ်လိုက်တဲ့အချိန်မှာတော့ ဝတ်မှုန်ကိုပါယူဆောင်သွားပါတော့တယ်။ (၂)Drosera capensis (Cape Sundew ဟုလည်းလူသိများသည်) Drosera ဟုခေါ်တဲ့ ထူးဆန်းသော အသားစားအပင်မျိုးစိတ်တစ်ခုဟာ သူတို့၏ဆံပင်လိုမျိုးအရာမှထွက်လာသောစေးကပ်တဲ့ အရာကြောင့် Cape sundewဟုလည်း လူသိများပါတယ်။ညာဘက်ပုံတွင်မြင်ရသကဲ့သို့ ထိုစေးကပ်တဲ့အရည်များက ယင်ကောင်များလာနားရန် ဆွဲဆောင်နေပါတယ်။capensisလို့ခေါ်တဲ့ဒီမျိုးစိတ်ဟာ တောင်အာဖရိကမှာ အစုံလိုက်ရှိနေပြီး အင်းဆက်ပိုးမွှားတွေကိုဖမ်းယူဖို့ ပင်စည်ကိုသူ့ဟာသူခေါက်လိုက်တဲ့အတွက် အထူးခြားဆုံးအသားစားအပင်တစ်မျိုးဖြစ်ပါတယ်။ … Read more